فسيفساء
11-02-2009, 02:45 AM
http://www.al-wed.com/pic-vb/1059.gif
السلام عليكم اخواني ،،
من المعلوم أن :
سعد الدين ، هاجر ، صدى الصمت ، امال ستار ، و الآخرون مقبلون على شهادة البكلوريا هاذ العام و أقل واجبنا أن نقدم لهم الدعم و لو معنويا فلذلك أرجو من كل صاحب تجربة أن يفيد بما تعلمه و يعطي نصيحة علها تنير درب طلبة البكالوريا ،،
أما بعد :
راني حابة نتطرق لبعض النقاط اللي حيرتني كي كنت رايحة نجوز الباك و بلاك راهي تحيركم :
أولا : الدروس الخصوصية : ( لي كوور )
انا تعلمت بلي لوكان الواحد ينتبه في القسم مع الاستاذ تعو و يراجع يوميا وش دار في القسم و يحل التمارين وحدو و كي يحصل يقعد يخمم و يخمم حتى يشوف الحل في منامو و يتكل على روحو في حل التمارين افضل من اللي كل ما يحصل يطلع راسو شويا و يلقى الحل قدامو ،، على هذيك اللي يدير لي كور يولي يتكل على الدروس الخصوصية و بلا ما يفيق يولي يغيس في القسم خاطرش يدير في بالو رايح يفهم في لي كور و كي يحل التمارين ما يفكرش مليح خاطرش داير في بالو بلي كاين لي يعطيلو الحل و هكذا يولي يحفظ الحلول و في الامتحان يبدلولو غير شويا يروح فيها ،
و على خاطر ولات الدروس الخصوصية موضة و علابالي كامل كيما راكوم اديرو لي كوور نقولكوم على الاقل ما تكلوش عليها في النجاح و ديروا في بالكوم بلي النجاح يجي بالتفكير و تكسار الراس (( نحن نفكر نحن نفوز ))
ثانيا : ظاهرة السهر ليلاً
يا ما سهروا بزاف ناس و حرموا ارواحهوم من النوم و الاسترخاء و جابوها في راسهوم ،، اما ما جابوش الباك بسبب الارهاق و اما جابوه بمعدلات مقبولة وما دارو بيه والو ؟؟؟ و حذاري ملي يقولولكوم اشربو القهوة و الفيتامينات و لاتاي باش ما ترقدوش و ديرو الليالي البيضاء ؟؟؟ يــــــــــــاو كامل خرطي ما كانش منها ،، و روحو سقسيوا المتفوقين في الباك على طريقة المراجعة يقولولكم بلي افضل طريقة النوم المبكر بعد العشاء و الاستقاظ باكرا وقت السحر و المراجعة في ذلك الوقت المبارك ،، و كاين بزاف بلاك يقولو الله غالب ما نقدرش نوض صبح و يسهر و يكحل عينو و يهلك روحو و غدوا يروح يرقد في القسم ما يفهم والو ،، نقولكم بلي هاذ الشي جربتو انا ثاني كنت ما نقدرش نوض صبح بصح كي عولت قدرت و القضية قضية تعود لا اكثر ،،
ثالثا : اهمال اختبارات الفصول الدراسية
معظم اللي نعرفهوم كان معدل الباك كيما معدل الفصول الدراسية ،، و الاختبارات الفصلية هي امتحانات تجريبية تخليكوم تقيمو مدى استعدادكم للامتحان النهائي و تعطيكم فرصة في تعلم كيفية الحل في الوقت المحدد و كيفية التعامل مع الاسئلة ،، كونو جديين كأنكم في الباك ،،
رابعا : قضية الغش
شوفو و الله طيلة حياتي الدراسية تعلمت زوج صوالح :1- أساس النجاح هو الثقة في النفس ،2- سر النجاح هو التوكل على الله ،، على هذيك نقولكوم بلي اللي يحب ينجح لازم يدير الثقة في روحو و ما يشوفش لاجابة الآخرين مهما كانت ،، و يتوكل ربي حق التوكل و يدير في بالو بلي ربي ما يحبلو غير الخير ،، و لوكان يغش راهو ماعندوش ثقة في روحو و ما يتوكلش على ربي و كيفاش يدعي ربي باش ينجحو ؟؟؟؟؟
خامسا : البخل بالمعلومات
كاين بزاف طلبة يخبيو وش يعرفو على صحابهوم من باب الغيرة و حب التفوق على الأخر ،، و في الاخير هذيك المعلومات اللي خباوها ينساوها و تتلفلهوم و تسببلهوم توتر في الامتحان و بالتالي يخسروا نقاط بالمجان ،، ديروا في بالكوم بلي المعلومة اذا حبيتو تثبتوها و ما تنساوهاش انشروها و فهموها لواحدوخرين و تدوا اجر و دعوة الخير ،،
سادسا : عقوق الوالدين و اولي الامر
وشحال من ناس نجحوا في حياتهوم وراحوا بعيد غير بدعاوي الخير تع والديهوم و الاساتذة توعهوم ووشحال من ناس جابوها في راسهوم بدعاوي الشر تع مواليهوم و عدم رضا الاساتذة عن تصرفاتهم السيئة ،،
سابعا : التلفزيون و النت ،
هاذو زوج صوالح عندي حكاية معاهوم برك حابة نقولكم اذا قدرتو تبعدو عليهوم يكون احسن ،،و اوقات الفراغ تعكوم لوكان تكون رحلات سياحية لتغيير الجو أو الاسترخاء برياضة او فضفضة مع الاهل احسن من قضاءها مع النت او التلفاز و كل واحد لازم يتحكم في روحو ،،
ثامنا : تأويل الاحلام
قالولي اللي ينوم يجيب الباك ما يجيبوش و اللي ينوم ما يجيبوش يجيبو ، ما كانش منها مجرد اضغاث احلام خاطرش راكوم في فترة ضغط و شغلكم الشاغل نجيب الباك ولا لالا على هاذيك اللي تفكرو فيه تشوفوه في منامكوم عادي ،
هاذ الامر نسبي ما تقيسوش عليه اطلاقــــــــــا ً ،،
تاسعا : الخوف و الارتباك ايام الامتحان
كامل الناس تخاف و انا منهوم و هاذا الشعور طبيعي جداً ، و لوكان ماشي الخوف ما نوجدوش رواحنا ،، برك ما تتعداوش الحدود في الارتباك و المبالغة في تصور اشياء مرعبة تخليكوم تفقدو التركيز ،، تفاءلو خيرا تجدوه ،، توكلو على ربي و ديرو في بالكوم بلي ربي ما يخيبش للي يتوكل عليه و اقراو الادعية ،، هنا ننصحكم بمطالعة مقالات التنمية البشرية ،،
عاشرا : عام الباك عام مصيري
قالو بلي الباك مصيري ؟؟؟؟؟ اللي يهدر هاذ الهدرة حابس ،، نعرف زوج صحاب واحد ادا الباك و راح للجامعة و قرا و ادا الدبلوم و ولى بطال لا خدمة و لا زدمة حط الدوسي تاعو في كل بلاصة قاعد يستنى يعيطولو يروح يخدم و لوخر اللي ما داش الباك شاطر بدا كتاجر بسيط و بعد 5 سنوات ولى من اكبر تجار المنطقة و الدخل الشهري تاعو اضعاف وش يصوروا المهندسين و الاطباء ،، المصير تعك بيدك و نتا اللي تخير و ماشي الباك ،، الباك مجرد امتحان يخليك تخير تخصص في الجامعة و الاختصاصات متنوعة بصح كلها متشابهة المصير خاصة في الجزائر !!!،،
و يااااااااارب اسالك النجاح لكل طلبة الباكلوريا بمعدلات عالية تحقق طموح كل واحد ،،
آآآآآآآآمين يارب ،،
http://www.arabiyat.com/forums/images/smilies/wafaq.gif
السلام عليكم اخواني ،،
من المعلوم أن :
سعد الدين ، هاجر ، صدى الصمت ، امال ستار ، و الآخرون مقبلون على شهادة البكلوريا هاذ العام و أقل واجبنا أن نقدم لهم الدعم و لو معنويا فلذلك أرجو من كل صاحب تجربة أن يفيد بما تعلمه و يعطي نصيحة علها تنير درب طلبة البكالوريا ،،
أما بعد :
راني حابة نتطرق لبعض النقاط اللي حيرتني كي كنت رايحة نجوز الباك و بلاك راهي تحيركم :
أولا : الدروس الخصوصية : ( لي كوور )
انا تعلمت بلي لوكان الواحد ينتبه في القسم مع الاستاذ تعو و يراجع يوميا وش دار في القسم و يحل التمارين وحدو و كي يحصل يقعد يخمم و يخمم حتى يشوف الحل في منامو و يتكل على روحو في حل التمارين افضل من اللي كل ما يحصل يطلع راسو شويا و يلقى الحل قدامو ،، على هذيك اللي يدير لي كور يولي يتكل على الدروس الخصوصية و بلا ما يفيق يولي يغيس في القسم خاطرش يدير في بالو رايح يفهم في لي كور و كي يحل التمارين ما يفكرش مليح خاطرش داير في بالو بلي كاين لي يعطيلو الحل و هكذا يولي يحفظ الحلول و في الامتحان يبدلولو غير شويا يروح فيها ،
و على خاطر ولات الدروس الخصوصية موضة و علابالي كامل كيما راكوم اديرو لي كوور نقولكوم على الاقل ما تكلوش عليها في النجاح و ديروا في بالكوم بلي النجاح يجي بالتفكير و تكسار الراس (( نحن نفكر نحن نفوز ))
ثانيا : ظاهرة السهر ليلاً
يا ما سهروا بزاف ناس و حرموا ارواحهوم من النوم و الاسترخاء و جابوها في راسهوم ،، اما ما جابوش الباك بسبب الارهاق و اما جابوه بمعدلات مقبولة وما دارو بيه والو ؟؟؟ و حذاري ملي يقولولكوم اشربو القهوة و الفيتامينات و لاتاي باش ما ترقدوش و ديرو الليالي البيضاء ؟؟؟ يــــــــــــاو كامل خرطي ما كانش منها ،، و روحو سقسيوا المتفوقين في الباك على طريقة المراجعة يقولولكم بلي افضل طريقة النوم المبكر بعد العشاء و الاستقاظ باكرا وقت السحر و المراجعة في ذلك الوقت المبارك ،، و كاين بزاف بلاك يقولو الله غالب ما نقدرش نوض صبح و يسهر و يكحل عينو و يهلك روحو و غدوا يروح يرقد في القسم ما يفهم والو ،، نقولكم بلي هاذ الشي جربتو انا ثاني كنت ما نقدرش نوض صبح بصح كي عولت قدرت و القضية قضية تعود لا اكثر ،،
ثالثا : اهمال اختبارات الفصول الدراسية
معظم اللي نعرفهوم كان معدل الباك كيما معدل الفصول الدراسية ،، و الاختبارات الفصلية هي امتحانات تجريبية تخليكوم تقيمو مدى استعدادكم للامتحان النهائي و تعطيكم فرصة في تعلم كيفية الحل في الوقت المحدد و كيفية التعامل مع الاسئلة ،، كونو جديين كأنكم في الباك ،،
رابعا : قضية الغش
شوفو و الله طيلة حياتي الدراسية تعلمت زوج صوالح :1- أساس النجاح هو الثقة في النفس ،2- سر النجاح هو التوكل على الله ،، على هذيك نقولكوم بلي اللي يحب ينجح لازم يدير الثقة في روحو و ما يشوفش لاجابة الآخرين مهما كانت ،، و يتوكل ربي حق التوكل و يدير في بالو بلي ربي ما يحبلو غير الخير ،، و لوكان يغش راهو ماعندوش ثقة في روحو و ما يتوكلش على ربي و كيفاش يدعي ربي باش ينجحو ؟؟؟؟؟
خامسا : البخل بالمعلومات
كاين بزاف طلبة يخبيو وش يعرفو على صحابهوم من باب الغيرة و حب التفوق على الأخر ،، و في الاخير هذيك المعلومات اللي خباوها ينساوها و تتلفلهوم و تسببلهوم توتر في الامتحان و بالتالي يخسروا نقاط بالمجان ،، ديروا في بالكوم بلي المعلومة اذا حبيتو تثبتوها و ما تنساوهاش انشروها و فهموها لواحدوخرين و تدوا اجر و دعوة الخير ،،
سادسا : عقوق الوالدين و اولي الامر
وشحال من ناس نجحوا في حياتهوم وراحوا بعيد غير بدعاوي الخير تع والديهوم و الاساتذة توعهوم ووشحال من ناس جابوها في راسهوم بدعاوي الشر تع مواليهوم و عدم رضا الاساتذة عن تصرفاتهم السيئة ،،
سابعا : التلفزيون و النت ،
هاذو زوج صوالح عندي حكاية معاهوم برك حابة نقولكم اذا قدرتو تبعدو عليهوم يكون احسن ،،و اوقات الفراغ تعكوم لوكان تكون رحلات سياحية لتغيير الجو أو الاسترخاء برياضة او فضفضة مع الاهل احسن من قضاءها مع النت او التلفاز و كل واحد لازم يتحكم في روحو ،،
ثامنا : تأويل الاحلام
قالولي اللي ينوم يجيب الباك ما يجيبوش و اللي ينوم ما يجيبوش يجيبو ، ما كانش منها مجرد اضغاث احلام خاطرش راكوم في فترة ضغط و شغلكم الشاغل نجيب الباك ولا لالا على هاذيك اللي تفكرو فيه تشوفوه في منامكوم عادي ،
هاذ الامر نسبي ما تقيسوش عليه اطلاقــــــــــا ً ،،
تاسعا : الخوف و الارتباك ايام الامتحان
كامل الناس تخاف و انا منهوم و هاذا الشعور طبيعي جداً ، و لوكان ماشي الخوف ما نوجدوش رواحنا ،، برك ما تتعداوش الحدود في الارتباك و المبالغة في تصور اشياء مرعبة تخليكوم تفقدو التركيز ،، تفاءلو خيرا تجدوه ،، توكلو على ربي و ديرو في بالكوم بلي ربي ما يخيبش للي يتوكل عليه و اقراو الادعية ،، هنا ننصحكم بمطالعة مقالات التنمية البشرية ،،
عاشرا : عام الباك عام مصيري
قالو بلي الباك مصيري ؟؟؟؟؟ اللي يهدر هاذ الهدرة حابس ،، نعرف زوج صحاب واحد ادا الباك و راح للجامعة و قرا و ادا الدبلوم و ولى بطال لا خدمة و لا زدمة حط الدوسي تاعو في كل بلاصة قاعد يستنى يعيطولو يروح يخدم و لوخر اللي ما داش الباك شاطر بدا كتاجر بسيط و بعد 5 سنوات ولى من اكبر تجار المنطقة و الدخل الشهري تاعو اضعاف وش يصوروا المهندسين و الاطباء ،، المصير تعك بيدك و نتا اللي تخير و ماشي الباك ،، الباك مجرد امتحان يخليك تخير تخصص في الجامعة و الاختصاصات متنوعة بصح كلها متشابهة المصير خاصة في الجزائر !!!،،
و يااااااااارب اسالك النجاح لكل طلبة الباكلوريا بمعدلات عالية تحقق طموح كل واحد ،،
آآآآآآآآمين يارب ،،
http://www.arabiyat.com/forums/images/smilies/wafaq.gif