عسكري مغبون

[Jozaf Abiza]

لوكان راني دريت روحي من بكري راني هنيا

منخلي العامين دين عليا

بصح الضروف هيا لحكمت عليا

وحبيت نسوي الوضعية

رحت ليهم لقيتهم يحوسوا عليا

عطاولي برية وقالولي روح للمحكمة العسكرية

حكم عليا القاضي باش نجوز الخدمة الوطنية

نشف الدم مني وفكرة في ليام الجاية

ومن بعدها حولنا من البليدة لسطيف العالية

تكيت علي ماطلة وقريت صورة قرانية

وطلعت في الطيارة ودهشت في المعجزة الربانية

ثم دربونا وعرفت التحية

ونسيت باش نقلكم كي لبست الكونبة طاحت عليا

لدربونا جزائرين مهمش اولاد اليهودية

اولاد النيف والشان مهمش اولاد المصرية

متبكي متعمر راسك ياخويا

شرف تتعلم النضام وتديه معاك للحياة اليومية

وهيا عشرة سمنات تقراى فيهم السلاح والدولة الجزائرية

وهذا سلامي للكتيبة الثانية

وهذي حكايتي انا واحد معيا


ثامرالادريسي

[الرائد علي]

يرحم هداك الفم
بارك الله فيك
والله كلمات في قمة الروعة
ربي يطلق سراحك ان شاء الله
تحياتي

[ξـآڒفْ الـآلحآڹ]

يا حنوني

على سلامتك و يارب تكون بالف الف خير

صراحة والله معندي ما نقول

كلمات ..........

يا خويا ربي يكون بعونك و يحميك

و متقولش رانا ناسيييييييييييينك

و كيما يقولو اللي في القلب راه في القلب

و سامحني على هذا الرد البسيط

لأني والله تعقدت من هذه المفاجئة و من هذه الكلماات

أخوك
أحمد

[Jozaf Abiza]

السلام عليكم alilo1980 (http://www.ibndz.com/vb/u18252.html)
ان شاء الله اخي بارك الله فيك علي مرور ك الجميل والطيب
تحياتي لك اخوك تامر الادريسي

[oktavio]

العسكر لرجال

ونتا الله يبارك ربي يوفق ويفوت العام و18 شهر في غمضة عين

راك رافد السلاح اكيد نسحقوك وان شاء الله تكمل وتعود لينا

وان شاء الله رمضان الجاي تكون معانا

ربي يكمل خيو ثامر

يا العسكري الواقف

العسكري لفحل

[rajo]

الله على هذوك الكلمات

ثامر ما بق قد الي فات

كيما قلت هنودة

الي بقى راح يفوت في رمشة عين

وتولي لينا وتولي لمكانك بيناتنا

[ღAmel Starღ]

صح يا خويا تامر العسكر للرجال
وما بقاش قد لي فات
هذا حق الجزائر عليك
ولازم تاديه وعلى اكمل وجه
رانا ليك بالدعاء
كلمات جميلة على رحلتك العسكرية
تقبل تحياتي سلامي ووديــــــ

[اسيل الجزائرية]

كلمات قمة في الروعة صادقة نابعة من القلب من جزائري اصيل يؤدي واجبه الوطني جزائري تفتخر به الجزائر وبامثاله
سبق وان قلت لك العسكر للرجال ان شاء الله تكمل ايامتهم على خير وترجع لينا وتنورنا من جديد
لم اجد الكلمات لكي اعبر عن مدى سعادتي وانا اقرا هاته الكلمات الجميلة
تقبل مروري البسيط

[yahiayes]

ربي يخليك و يحفظك خويا تامر علي هد الكلمات

حقا رائعة حروفك ورائع هي تلك اللحظات

التي نقضيها خدمت للوطن

رغم قسوت الاوضاع و ظروف المعروفه

الا انه في سبيل الجزائر كلش شئ يهون

و تربح تكوين شخصيتك

و تتعرف علي رجال و العقليات

و دالك اروع ما فيها

علي خطي انتظارك لك التحيه بعطري الياسمين

[فريد]

ربي يحـميك ٠٠
من السلاح لفيديكْ
و من الرونجاس لفْرجْليك
ربي يستر ، و ين يديـكْ
***
أنت مولاها و ما بقاش بزاف و ما تبقى إلا ذكرى عزيزة
نوصيك عنك تصرطي ههههههههه

[youcef 3fc]

http://www.iraqnaa.com/ico/image/t023.gif

[rim B]

بالتوفيق اخي تامر
لازمك الصبر هده مرحلة وتفوت
وهدا حق الدولة الجزائرية
واجب على كل مواطن





جميل ما خطته يداك اخي الكريم


مشكور

[*:.شذى الورد:.*]

ههههههههه
فعلا انت تعاني اخي ثامر
وفعلا اشتقنا إليك
ننتظر عودتك بفارغ صبر منا
كان الله بعونك

[hocine91]

ربي يفوتها على خير
جاي دورنا ان شاء الله
ودي واحترامي

[Jozaf Abiza]

السلام عليكم
يعطيكم الصحة خاوتي علي ردودكم وتشجيعكم الجيد بارك الله فيكم ومتنساوش هذا فراقكم هو لخلاني نكتب ونحي وماصبرت عليكم بصح صح مبقاش قد لفات ونرجع ليكم كما قال خويا علي ولعقوبة لكل واحد وان شاء الله لروح يلبس يسرحوه
بارك الله فيكم وربي يحفظكم ونسيت باش نقللكم صح العسكر لرجال
بصح وقتنا هذا مكانش راحت بكري هذيك حمامة وطارة
ههههه
لكم مني كامل التحية والتقدير
اخوكم تامر الادريسي

[فسيفساء]

ماشاء الله على الهمسات العسكرية ..

الخدمة الوطنية للرجال ..

يا رجل علاه راك تقول على روحك مغبون ؟؟

كيما قالت اوكتافيو عسكري و فحل ..