منتدى اللغات ... أو منتدى الإنجليزية ؟؟!!!

[widoo]

من يدخل لقسم اللغات أول ما يجول بخاطره أو أول مايلاحظه هو طغيان اللغةالإنجليزية
فهل يا ترى أن اللغات عندابن الجزائر منحصرة فقط في الإنجليزية أم ان ابناء الجزائر لا يفقهون في لغات أخرى ؟؟
و من هنا نشكر كل من يجتهدون بمواضيعهم الهادفة " الإنجليزية " و اتمنى أن أرى مواضيع اخرى بلغات مختلفة .

[flower.dz]

السلام عليكم
راني هنا خصيصا باه نرد على التساؤول تاعك اللي هو 100/100 في محلو علاه؟
على خاطر منتدى اللغات الاجنبية اللغة الطاغية عليه هي اللغة الانجليزية باعتبار ان
تخصصات والمجال المعرفي تاعنا واسع في هاذ اللغة باعتبارها سهلة
ولوكان تشوف صفحات هذا المنتدى رايح تشوف مواضيع بلغات مختلفة بصح مش
كثيرة وهذا يتوقف على مشاركات الاعضاء وكما عبالك المنتدى هذا كان مقسم
كان قسم يجمع اللغات كاملين وقسمين متفرعين عليه واحد للغة الفرنسية ولآخر للغة الانجليزية
وكي غيروا في المنتدى راك تشوف فيه كيفاه ولى يعني كون بقى كما كان يكون احسن
************************************************** ******************
ولكن ! للا سف مشاركات هذا القسم تقتصر على عدد اعضاء ما يفوتش اصابع اليد الواحد
وهذا مشكل كبير وسبق وان حكيت عليه بصح شكون يرد عليك
ماكانش اهتمام باللغات الناس لاتية بحوايج اخرى عملت وش نقدر عليه وللاسف مليت
في رايك علاه استقلت من الاشراف؟حبيت نعدلوا وما تعدلش ماكانش لي يعاون دايما نفس
الاعضاء نفس المشاركات ياااااااااااااااااااااو رانا حابسين حتى مع الانجليزية خويا
علاه توجع في قلبك رانا حابسين في كلش
************************************************** *****************
المهم راني قلتلك وش في بالي وان شاء الله تلقى لي يردلك على التساؤل تاعك على خاطر
المنتدى مهجور
شكرا على الاهتمام
تحيااااااااااااااااااااااتي

[hocine86]

يعني تساؤل في محله
و أظن الأخت مروة فقد أعطتك الجواب الكافي
نزيدلك حاجة
روح اضرب طلة في منتدى الجامعة تشوف الفرق بين
المنتديات الأدبية و العلمية
يعني انا تخصصي اقتصاد لا أستطيع كتابة موضوع
في منتدى الأجتماع أو الطب
و يقول المثل أهل مكة أدرى بشعابها
و مع هذا نحن مصرين على النهوض بالمنتدى

[sahrawiya]

الاخت مروة كفت ووفت
ان شاء الله تكون مشاركات في جميع اللغات
مشكورة على الطرح الهادف