دموع الام

[وردة الجزائر]

يوم انشد وني عن دموعي وانا امك .. جاوبتهم وابعدتهم عن طواريك

ما ابغى اجرحك في كلمتن تزيد همك ...ما ابغى اقول ان السبب منك جافيك

يومي لمست الصدر في يوم ضمك ... نسيت انا اللي حولي وقمت ابكيك

مدري انت عايش وارتجي لمس جسمك ... او ميتن واقول يرحم تواليك

يا ما سهرت وزاد غمي لغمك ... ما ارتاح ليمن تهتني في لياليك

ويا ما الي طولت نومك اشمك ... واتأكد انك عايشن لي وارجيك

ويا ما ازعلو مني خوالك وعمك ... ويا ما هجرت اقرب قريبن ضحك فيك

ويا ما ذرف دمعي اذا سال دمك ... براءة الاطفال ما هي تنهيك

ويا ما انتظرتك عند بابي وانا امك ...واقول في يومن تجيني واحييك

اخاف من يومن يجيني يغمك .... ويجيك علمي مع عزيزن يعزيك

انا على الله داخله ثم يمك ... ارحم قليبن تالي الليل يشكيك

فكر بمنهي صابها الضيم وظلمك .... واذكر حشن ضمك وعسر المساليك

ودي بشوفك قبل يومي ويومك ...لو مرتن بالعام الله يخليك

ما ابيك تقطعني اذا امري يهمك ... بقعد معك واضحك واسولف واحاكيك

يا وليدي اذكر كلمتن قال فمك .... لا قلت كلمت يوه قلبي يلبيك

واذكر زمانن فيه فراشي بجنبك .... واذا اشتكيت تقول يمه واسليك

ولا اشتد مابك فوق كتفي ازمك .... ما ارتاح لين ربي يعافيك

والختم لا جتك الرساله وانا امك ..... يا اما تجي والا انا ازحف واجيك


منقول